Álið á undan börnunum...???

 

 Með þessu er meirihluti sveitarstjórnar Norðurþings að skerða þá grunnþjónustu sem að þeir voru búnir að lofa að standa vörð um. Skít hér inn bókun meirihlutans við gerð fjárhagsáætlunar 2009:

"Merihluti sveitarstjórnar hefur nú þegar lagt fram aðgerðaráætlun til að bregðast við þessum erfiðu aðstæðum.  Megin markmið aðgerðaráætlunarinnar er að verja grunnþjónustu og störf í sveitarfélaginu eins og unnt er."

Spurning hvort ekki mætti skera niður annarsstaðar t.d. í álmálunum og byrja á að halda í og sinna því fólki sem hér býr nú þegar áður en farið er að vinna í að fá hingað fleira fólk, nema verið sé að miða við að fá hingað barnlaust fólk?

Það er líka frekar svekkjandi að hér séu fjármunum eytt í orkuöflun en svo vísa menn frá þeim sem vilja koma og bíða með álglýjuna í augunum og neita að sjá eða heyra um þær fréttir af fyrirtækjum sem vilja byggja upp þar sem orka er einmitt eins og við höfum yfir að ráða í Norðurþingi. Ef meirihluti sveitastjórnar inni af sama áhuga að því að fá hingað alla atvinnu í stað þess að bíða eftir álinu,  þá er ég viss um að hér kæmu margir vinnustaðir sem gætu byrjað á að nýta þessa orku sem búið er að finna og koma henni í verð.

Meirihluti Norðurþings ætti líka að skoða hvort ekki megi skera niður í launakostnaði t.d. hjá sveitarstjóra og nefndarmönnum í stað þess að skera niður í skólum byggðarinnar. 

 

 

Áhyggjur af barnafólki