góð grein sem að ég fékk sent í pósti í dag

"Til hamingju, sjálfstæðisflokkurinn hefur aldrei verið jafn óvinsæll á Íslandi!

Ekki sakaði að enn ein staðfestingin á því hversu ofurspilltar blóðsugur þeir eru komst á yfirborðið mjög skömmu eftir að þessi hópur varð til.

Þá kom í ljós að flokkurinn og framámenn innan hans höfðu fengið milljónir fyrir að reyna að tryggja að stórfyrirtæki fengju aðgang að náttúruauðlindum Íslendinga til að þau gætu síðan grætt ennþá fleiri milljónir á að selja þær erlendum stórfyrirtækjum.

Þetta hefði auðvitað ekki átt að koma neinum á óvart en um 10% þjóðarinnar virðast hafa tekið andköf: "ha!? er sjálfstæðisflokkurinn spilltur? gengur hann erinda stórfyrirtækja og auðmanna þvert á hagsmuni almennings!? þessu hefði ég sko aldrei trúað!"

Sumir eru auðvitað tregari en aðrir, en við verðum auðvitað að fagna síðbúnum skilningi þessa fólks og bjóða því velkomið inn í heiminn eins og hann er í raun og veru. Þau verða að fá tíma til að jafna sig, því dvöl þeirra í þykjustunnilandi þar sem allir eru góðir og fallegir og vilja bara gefa þeim pening til að verzla var þessu fólki ánægjulegur. Nú þurfa þau hinsvegar að kljást við þá vitneskju að þeir ætluðu ekki bara að svindla á fátæka fólkinu, heldur öllum Íslendingum, þar á meðal þeim. Það hlýtur bara að taka á.

En 20% sitja sem fastast í fantasíuheiminum góða og láta sem ekkert hafi í skorist.

Nú er N1 svikahrappurinn mættur, PR agent hjá starbucks olíuiðnaðarins hjá Íslandi sem var hannaður sérstaklega af genasérfræðingum íhaldsins. Hann kom í heiminn í fæðingardeildinni í Valhöll og var umsvifalaust settur í jakkaföt og bindi og kennt að þylja helstu tuggurnar.

Hlutverk Bjarna Ben II er síðan að viðhalda yfirráðum íslenska konungsveldis Engeyjarættarinnar, en fyrir þá sem ekki vita er hann náfrændi Björns Bjarnasonar og Halldórs Blöndal, auk þess sem Bjarni Ben I er afabróðir hans.

Gæti verið... mögulega að hann muni ganga erinda N1, sem hann hætti ekki að vera stjórnarformaður hjá fyrr en hann bauð sig fram til formanns D og þar sem pabbi hans situr ennþá í stjórn, framyfir hagsmuni almennings? Og gæti verið að það útskýri hversu harkalega hann gengur fram í að reyna að troða fleiri mengandi álsuðupottum í áður óspillta náttúru okkar...

Hversu mikil viðskipti haldiði að eigi sér stað milli N1 og Alcoa eða Rio Tinto Alcan...?

Notum síðasta daginn fyrir kosningar í að halda áfram að sýna samstöðu og höldum þessum eyðileggingaröflum frá því að fá grænt ljós til að ráðskast með líf okkar."